INGURUMENEKO LAGUNTZA TEKNIKOA

Proiektu, obra eta jarduera batzuk garatzeko, ingurumenean adituak diren profesionalen aholkularitza eta laguntza behar da, indarrean dagoen legeria eta bestelako ingurumen-eskakizun berezi batzuk betetzen direla bermatzeko.

ARCn esperientzia handiko eta etengabe prestatzen ari den taldea dugu; taldeak, aplikatu beharreko ingurumen-eskakizunak betetzen laguntzeaz gainera, aholkuak emango dizkizu lege-aldaketak egokitzen eta ingurumeneko azken joerak eta Kalitateko eta Ingurumeneko Kudeaketako Sistema Integratuak ezartzen; horrela, abantaila lehiakor handia izango duzu.

Gure ingurumen-laguntzako zerbitzuak kontratatuz gero, gure aholkularien tratu pertsonalizatua eta kalitate handiko lana jasoko dituzu; aholkulariak erabat inplikatzen dira lan bakoitzean, zuon asmoak betetzeko.

Eremu honetan, honako zerbitzu hauek eskaintzen ditugu:

Produktuaren ingurumen-kudeaketarako laguntza: bizi-zikloaren analisia, ekodiseinua, ingurumen-aztarna, karbono-aztarna, uraren aztarna eta ekoetiketatua.
Ingurumen-baimenak izapidetzea.
Ingurumen-eskakizunen azterlana, aplikagarria den ingurumen-egokitzapenaren diagnostikoa eta eguneratzeko laguntza.
Ingurumen-eragina duten proiektu, obra eta jardueretarako laguntza.
Ingurumen-alegazioen inguruko aholkularitza.

Informazio gehiago eskatzea

LAN ESANGURATSUENAK

Laguntza hainbat harrobiri aplikagarri zaien ingurumeneko legeen egokitzapenean eta eguneratzean (atmosfera kutsa dezaketen jardueren proiektuak legeztatzea, isurien baimenak izapidetzea etab.)(2008tik).
Aplikagarria den ingurumen-egokitzapenaren diagnostikoa eta eguneratzeko laguntza, Import Arrasate SArentzat (2018tik).
Aplikagarria den ingurumen-egokitzapenaren diagnostikoa eta eguneratzeko laguntza, Construcciones Garbayo Chivite SLrentzat (2018tik).
Cutting Tools, S.Lren Kalitateko Kudeaketa Sistemaren egokitzapena ISO 14001 eta 9001 arauen 2015eko bertsioetara (2017).
ISO 14001:2015 arauara egokitzea eta barne-auditoria, Irulezo, S.Lrentzat (2018).
Euskadiko Eskualde Biogeografiko Atlantikoko Kontserbazio Bereziko Eremuak izendatzeko prozeduran dauden zehaztapenen prozedura energetikoen eraginari buruzko laguntza teknikoa, Energiaren Euskal Erakundearentzat (2010-2015).
Angolako lehen parke eolikoaren eraikuntzako eta jarduketako ingurumen-zehaztapenak eta -irizpideak idaztea, Angolako Errepublikako Energiaren eta Uren Ministerioarentzat (2011).
Aholkularitza Ingurumen Inpaktuaren Azterlanei dagozkien ingurumen-alegazioetan, Eólicas de Euskadi SArentzat (2003-2011) eta ESB International-entzat (2009).